SOSYAL NA PROMDi: Laban ni Pacman, Wagi na Naman!

Sunday, November 14, 2010

Laban ni Pacman, Wagi na Naman!

by Ram Mamadra on Sunday, November 14, 2010 at 4:08am

Around 10am habang nasa kalagitnaan ako ng pag la labadami labango, bigla kong naalala laban pala ni Pacman ngayon! Napatigil ako, dinampot ang cellphone. Sabay text kay ermat..

AKO : Ina musta ang laban ni Pacquiao?

INA : Di pa nag i start e, pero dami ng tao dito.. nakikinood. Mga hampaslupa!

AKO : Ah dito di ako makapanood e. Di pa kase nauuso ang tv sa boarding house. Asar!

INA : Balitaan na lang kita anak!

AKO : Tenkyu! Balitaan mo ako kung sino ang kumanta ng 'Bayang Magiliw'. Kung bumirit ba? tapos napiyok. O may nakalimutan bang linya. O baka iniba na naman ang tono!
Oo, mas excited ako sa kakanta ng 'Bayang Magiliw' na yan! Kesa sa laban mismo ni Pacman. Confident naman ako na itataas niya uli ang bandila ng mga Noypi! Congrats Pacman.. Ang dami mo na namang aambunan..

Siya ang perpektong anyo ng isang mapangarapin at mapaghangad na manunulat ng kanyang henerasyon. Kapos man sa imahinasyon.. Salat man sa wastong kaalaman at tamang pamamaraan ng pagpapasama-sama ng ensaktong titik at mga salita.. Nag-aalab naman sa pagkahayok na matuto. Nagsusulat siya nang naaayon sa bugso ng kanyang puso at dikta ng kanyang kaluluwa. Konsensya ang natatangi niyang agimat. Nagsusulat siya, hindi dahil sa kailangan bagkus nagsusulat siya, dahil gusto niya. Dahil sa mundo ng pagsusulat siya ganap na lumiligaya. Hindi niya iniintindi kung sa tingin niya'y hindi pa man buhay ang kanyang mga obra ay patay na sa paningin ng madla. Naniniwala siyang bukas pagdating ng araw bubuhayin din ito ng hambalos ng panahon. Kakampi niya ang kanyang pluma sa pagguhit ng kanyang nakatagong damdamin.

Si Rajan Mamadra. Kilala sa tawag na Ram. Bente dos. Tubong Mindanao. Pinanganak sa Sultan Kudarat. Lumaki sa Cotabato at namulat sa Maguindanao. Hindi isang "buraot" at kailanma'y hindi magiging "buraot". Nais niyang bigyang linaw na hindi "kasinggulo ng tao, kasing gulo ng mundo ang bayang kanyang pinakatatangi, ang bayan ng Mindanao na gaya ng inilarawan ni Ka-Freddie Aguilar sa isa sa kanyang mga kanta. Mabait siya. Tulog man o dilat. Chos!